It is called Myanmar Goverment, at March 2012!

  အမှုအမှတ် ၁၆ (သို့မဟုတ်) တရားခံဖြစ်သွားသော နိုင်ငံတော် Posted by admin on March 22, 20120 Comment ၁၆ ရာစုနှစ်တုန်းက စစ်တကောင်းနဲ့ ဒက္ကားမြို့တွေကို သိမ်းပိုက်အုပ်ချုပ်နိုင်ခဲ့တဲ့ လွတ်လပ်တဲ့ ရခိုင်ဘုရင့်နိုင်ငံဟာ ၁၇၈၄ ခုနှစ် ဒီဇင်ဘာ ၃၁ ရက်မှာ ဗမာဘုရင်လက်အောက်ကို ကျရောက်ပြီး လွတ်လပ်ရေးနဲ့ အချုပ်အခြာအာဏာ ဆုံးရှုံးသွားခဲ့ပါတယ်။ အဲဒီကစလို့ ရခိုင်ပင်လယ်ပြင်ဟာ ကမ္ဘာ့နယ်ချဲ့ခေတ်၊ ဒုတိယကမ္ဘာစစ်ခေတ်တို့မှာ ဗြိတိသျှ အချုပ်အခြာအာ ဏာအောက်၊ ဖဆပလ လွတ်လပ်ရေးခေတ်၊ မဆလ-နဝတ-နအဖ စစ်အာဏာရှင်ခေတ်တွေ တလျှောက်လုံးမှာတော့ မြန်မာနိုင်ငံရဲ့အချုပ်အခြာအာဏာအောက်ရောက်ခဲ့ပြီး အခုနောက်ဆုံး ၂၀၁၂ ခု မတ်လ ၁၄ ရက်မှာတော့ မနည်းလှတဲ့ အစိတ်အပိုင်းဟာ ဘင်္ဂလားဒေ့ရ်ှရဲ့ အချုပ်အခြာအာဏာအောက်ကို တရားဝင်ကျရောက် သွားပါတော့တယ်။ ၂၀၀၈ ခုနှစ်၊ နိုဝင်ဘာလမှာ ဒီပင်လယ်ပြင်ပိုင်နက်ကိစ္စကြောင့် ဘင်္ဂလားဒေ့ရ်ှရေတပ်နဲ့ မြန်မာရေတပ် ရန်စောင်ခဲ့ကြပါတယ်။ လက်နက်မဲ့ ဒီမိုကရေစီအတိုက်အခံတွေ၊ လက်နက်အင်အားနည်းတဲ့ တိုင်းရင်းသားတပ်တွေအပေါ် လက်နက်အားကိုး ဗိုလ်ကျမင်းမူနေခဲ့တဲ့ နအဖစစ်တပ်ရဲ့ စစ်သင်္ဘောတွေဟာ ဒီဇယ်ဆီမတတ်နိုင်လို့ ပင်လယ်ထဲ ကျောက်ချနေ ရင်နေ၊ ကျောက်မချရင် စက်ပိတ်မျှောနေရချိန်မှာ ဘင်္ဂလားဒေ့ရ်ှစစ်သင်္ဘောတွေက မီးခိုးတလူလူနဲ့ ပတ်မောင်းပြီး စစ်ဟန်ရေးပြနေတာကို ပါးစပ်အဟောင်းသားနဲ့ ငေးကြည့်နေခဲ့ရပါတယ်။ နှစ်နိုင်ငံစလုံးရဲ့သခင်ကြီး တရုတ်က ကြားဝင်ဟန့်တားခဲ့လို့ စစ်ရေးပိုင်းမှာ ဒါလောက်နဲ့ပြီးသွားခဲ့ပြီးနောက် ဘင်္ဂလားဒေ့ရှ် နိုင်ငံက ဒီပင်လယ်ပိုင်နက်ကိစ္စကို ၂၀၀၉ ခုနှစ် ဒီဇင်ဘာ ၁၄ ရက်မှာ ပင်လယ်ပြင်ဥပဒေဆိုင်ရာ နိုင်ငံတကာခုံရုံးမှာ တရားဝင် အမှုစွဲခဲ့ပါတယ်။ ဒီစွဲဆိုချက်ကို ခုံရုံးက အမှုအမှတ် (၁၆) အဖြစ် အဲဒီနေ့မှာဘဲ လက်ခံစာရင်းသွင်းခဲ့ပါတယ်။ အဲဒီ နေ့မှာဘဲ ခုံရုံးမော်ကွန်းထိန်းက မြန်မာစစ်အစိုးရကို အကြောင်းကြားခဲ့သလို ဒီဇင်ဘာ ၁၇ ရက်မှာလဲ ကုလသမဂ္ဂ အတွင်းရေးမှူးချုပ်ဆီ အကြောင်းကြားခဲ့ပါတယ်။
    XXX မြန်မာ နအဖအစိုးရက ခုံရုံးဆုံးဖြတ်ချက်တွေကို လိုက်နာပါ့မယ်လို့ ၂၀၀၉ နိုဝင်ဘာ ၄ ရက်မှာ ကြေညာခဲ့ပြီး ဘင်္ဂလား ဒေ့ရ်ှအစိုးရက ၂၀၀၉ ဒီဇင်ဘာ ၁၂ ရက်မှာ ကြေညာခဲ့ပါတယ်။ ၂၀၁၀ ဇန်နဝါရီ ၁၄ ရက်မှာတော့ နအဖ အစိုးရက ခုံရုံး ဆုံးဖြတ်ချက်ကို မလိုက်နာနိုင်ဘူးလို့ အကြောင်းကြားခဲ့ပြန်ပါတယ်။ ဒါပေမဲ့ အရေးပေါ်ဆွဲခန့် တရားသူကြီးနာမည် အဆိုပြုတင်သွင်းပြီး ရှေ့နေအဖွဲ့နာမည်စာရင်းတွေ ပေးပို့ခဲ့ပါတယ်။ ဘင်္ဂလားဒေ့ရ်ှနိုင်ငံက ခုံရုံးကိုတင်ပြချင်တဲ့ အချက်အလက် ကိန်းဂဏန်း မြေပုံ ရေပုံတွေကို ၂၀၁၀ ဇူလိုင် ၁ ရက်နေ့မှာ ပေးပို့ခဲ့ပြီး မြန်မာနိုင်ငံကတော့ ၂၀၁၀ ဒီဇင်ဘာ ၁ ရက်နေ့ကျမှ ဒီလို အချက်အလက် ကိန်းဂဏန်းတွေ ပေးပို့ခဲ့ပါတယ်။ ခုံရုံးရှေ့ နှစ်ဖက်လျှောက်လဲချက်တွေကို ၂၀၁၁ ခု စက်တင်ဘာလမှာ လုပ်ခဲ့ကြပါတယ်။ ဘင်္ဂလားဒေ့ရ်ှက စက်တင်ဘာ ၈၊ ၉၊ ၁၂၊ ၁၃၊ ၂၁၊ ၂၂ ရက်တွေမှာ လျှောက်လဲပြီး မြန်မာက စက်တင်ဘာ ၁၅၊ ၁၆၊ ၁၉၊ ၂၀၊ ၂၄ ရက်တွေမှာ လျှောက်လဲခဲ့ကြပါတယ်။ နအဖအစိုးရဘက်က လျှောက်လဲချက်ထဲမှာ ၁၉၇၄ ခုတုံးက ဘင်္ဂလားဒေ့ရ်ှနဲ့ ရေပြင်ပိုင်နက်ကိစ္စ သဘောတူလက်မှတ်ထိုးခဲ့တဲ့ ရေတပ်ဦးစီးချုပ် ဗိုလ်မှူးချုပ်ချစ်လှိုင်ကို မြန်မာနိုင်ငံကိုယ်စား သဘောတူလက်မှတ်ထိုးခွင့်အာဏာ မရှိသူအဖြစ် ငြင်းပယ်ပြီး ၁၉၇၄ နဲ့ ၂၀၀၈ ခုတုံးက ဘင်္ဂလားဒေ့ရ်ှနဲ့ သဘောတူလက်မှတ်ထိုးခဲ့တာတွေကို တရားမဝင်တဲ့သဘော အရူးကွက်နင်းခဲ့ပါတယ်။ (ဗမာစစ်အစိုးရရဲ့ ကတိတွေ စာချုပ်တွေ ဘယ်လောက်ယုံရတယ် ခိုင်မာတယ်ဆိုတာ ပြနေပါတယ်။)
    နအဖ အစိုးရဟာ ရခိုင်ပြည်နယ်ကမ်းရိုးတန်းကို ဂွမြို့တောင်ဘက်နားအထိသာ သတ်မှတ်ထားပေမဲ့ ခုံရုံးမှာတော့ မော်တင်စွန်းအထိ ကမ်းခြေအရှည် ၅၈၇ ကီလိုမီတာ ပြခဲ့ပါတယ်။ ခုံရုံးမှာ ဘင်္ဂလားဒေ့ရ်ှနိုင်ငံကို ကိုယ်စားပြုသူက နိုင်ငံခြားရေးဝန်ကြီး (အမျိုးသမီး) ဒီပုမိုနီ၊ လက်ထောက်အဖြစ် နိုင်ငံခြားရေးအထူးအတွင်းဝန် အငြိမ်းစားရေတပ်ဗိုလ်ချုပ် ခါရ်ရှစ်ဒ်အလမ်၊ ရှေ့နေတွေ ဥပဒေအတိုင်ပင်ခံတွေအဖြစ် ဘင်္ဂလားဒေ့ရ်ှနိုင်ငံက နိုင်ငံခြားရေးဝန်ကြီးဌာနအတွင်းဝန် ၁၊ ဂျာမဏီဆိုင်ရာသံအမတ်ကြီး ၁၊ အမေရိကန်နိုင်ငံက ဥပဒေပညာရှင် ၃၊ ဗြိတိန်နိုင်ငံက ဥပဒေပညာရှင် ၃၊ အကြံပေးတွေအဖြစ် ဘင်္ဂလားဒေ့ရ်ှနိုင်ငံခြားရေးဝန်ကြီးဌာန ဝန်ထမ်း ၄၊ ဗြိတိန် နိုင်ငံက ဥပဒေပညာရှင် ၁၊ အမေရိကန်နိုင်ငံက ရေကြောင်းပထဝီပညာရှင် ၃၊ တသီးပုဂ္ဂလကျွမ်းကျင် သူတွေအဖြစ် အ မေရိကန်နိုင်ငံက အဏ္ဏဝါဘူမိဗေဒပညာရှင် ၁၊ ဂျာမဏီနိုင်ငံက ဘူမိဗေဒပညာရှင် ၁၊ အငယ်တန်း ဥပဒေအတိုင်ပင်ခံအ ဖြစ် ဂျာမဏီနိုင်ငံက ဥပဒေပညာရှင် ၁၊ အမေရိကန်နိုင်ငံက ဥပဒေပညာရှင် ၂၊ ဗြိတိန်နိုင်ငံက ဥပဒေပညာရှင် ၂ ဦးတို့ ပါဝင်ခဲ့ပါတယ်။ အားလုံးပေါင်း အမေရိကန် ၉၊ ဗြိတိသျှ ၆၊ ဂျာမန် ၂၊ ဘင်္ဂလားဒေ့ရှ် ၈ ဦး ဖြစ်ပါတယ်။ အမေရိကန်ဥပဒေ ပညာရှင်တွေမှာ နာမည်ကြီး Foley Hoag ရှေ့နေကုမ္ပဏီက ရှေ့နေ ၂ ယောက်ပါဝင်ပါတယ်။
    မြန်မာနိုင်ငံကို ကိုယ်စားပြုသူကတော့ နိုင်ငံတော်ရှေ့နေချုပ် ဦးထွန်းရှင်၊ လက်ထောက်များအဖြစ် နိုင်ငံခြားရေးဝန်ကြီးဌာနက ဒေါ်လှမျိုးနွယ်နဲ့ ရှေ့နေချုပ်ရုံးက ဦးကျော်ဆန်း၊ ရှေ့နေတွေ ဥပဒေအတိုင်ပင်ခံတွေအဖြစ် ပြင်သစ်နိုင်ငံက ဥပဒေပညာရှင် ၄၊ အမေရိကန်နိုင်ငံက ဥပဒေပညာရှင် ၂၊ ဗြိတိန်နိုင်ငံက ဥပဒေပညာရှင် ၁၊ အကြံပေးတွေအဖြစ် ဂျာမဏီနိုင်ငံဆိုင်ရာ မြန်မာသံအမတ်ကြီး ၁၊ မြန်မာရေတပ်ဗိုလ်မှူးကြီး ၁၊ မိတ္ထီလာတက္ကသိုလ် ပါမောက္ခချုပ် ၁၊ မြန်မာသံရုံးဝန်ထမ်း ၃၊ မြန်မာနိုင်ငံခြားရေးဝန်ကြီးဌာန ဝန်ထမ်း ၂၊ ပြင်သစ်နိုင်ငံက ဥပဒေပညာရှင် ၃၊ ရိုမေးနီးယားနိုင်ငံက ရေကြောင်းပညာရှင် ၁၊ အမေရိကန်နိုင်ငံက ပညာရှင် ၂ ဦးတို့ ပါဝင်ခဲ့ပါတယ်။ အားလုံးပေါင်း ပြင်သစ် ၇၊ အမေရိကန် ၄၊ ဗြိတိသျှ ၁၊ ရိုမေးနီးယား ၁၊ မြန်မာ ၁၁ ယောက်ဖြစ်ပါတယ်။ မြန်မာနိုင်ငံက ပြင်သစ်တွေကို အဓိကထားငှားရမ်း ခဲ့တာ ထူးခြားနေပါတယ်။ တိုတယ်လ်ကုမ္ပဏီနဲ့ လက်ဝါးရိုက်ထားတာ ဖြစ်နိုင်ပါတယ်။ အိမ်ရှင်ဂျာမဏီကိုတော့ လျစ်လျူရှု ထားပါတယ်။ ဒီနိုင်ငံခြားသားပညာရှင်ဆိုသူတွေကို ၂၀၀၉ ဒီဇင်ဘာကနေ ၂၀၁၂ မတ်လအထိ ငွေဘယ်လောက်ပေး ငှားခဲ့ရသလဲ မသိပါ။     XXX ကုလသမဂ္ဂ ပင်လယ်ပြင်ဥပဒေသဘောတူစာချုပ် (ကွန်ဗင်းရှင်း) ကို ၁၉၈၂ ခု ဧပြီ ၃၀ ရက်မှာ ချမှတ်ခဲ့ပြီးနောက် အ တည်ပြုလက်မှတ်ထိုးတဲ့နိုင်ငံအရေအတွက် ၆၀ သတ်မှတ်ချက်ပြည့်မှီသွားလို့ တနှစ်အကြာ ၁၉၉၄ ခု နိုဝင်ဘာ ၁၆ ရက်မှာ စတင်အသက်ဝင်လာခဲ့ပါတယ်။ စာချုပ်အသက်ဝင်လာပြီးနောက် ၁၉၉၆ ခုမှာ လွတ်လပ်တဲ့ ပင်လယ်ပြင်ဥပဒေဆိုင်ရာ နိုင်ငံတကာခုံရုံး ITLOS ကို တည်ထောင်ခဲ့ပါတယ်။ ခုံရုံးတည်နေရာက ဂျာမဏီနိုင်ငံ ဟမ်းဘာ့ဂ် ဆိပ်ကမ်းမြို့ ဖြစ်ပါ တယ်။ ဒီမြို့ကို စာချုပ်အဖွဲ့ဝင်နိုင်ငံတွေက လျှို့ဝှက်မဲနဲ့ ရွေးချယ်ခဲ့တာ ဖြစ်ပါတယ်။ ပင်လယ်ပြင်ဥပဒေကွန်ဗင်းရှင်းကို အခု ကမ္ဘာ့နိုင်ငံပေါင်း ၁၆၁ နိုင်ငံ နဲ့ ဥရောပအသိုင်းအဝိုင်း EC အဖွဲ့တို့က လက်မှတ်ထိုးထားကြပါတယ်။ မြန်မာနိုင်ငံ မဆလအစိုးရက ၁၉၈၂ ခု ဒီဇင်ဘာ ၁၀ ရက်မှာ သဘောတူလက်မှတ်ထိုးခဲ့ပြီး နဝတ အစိုးရက ၁၉၉၆ ခု မေလ ၂၁ ရက်မှာ အတည်ပြုခဲ့ပါတယ်။
    ဘင်္ဂလားဒေ့ရ်ှကတော့ ၂၀၀၁ ခုနှစ် အောက်တိုဘာ ၁၂ ရက်ကျမှ အတည်ပြုခဲ့ပါတယ်။ ဒီလို သဘောတူအတည်ပြုထားတဲ့အတွက် ပင်လယ်ပြင်ဥပဒေခုံရုံး ဆုံးဖြတ်ချက်တွေကို မလိုက်နာလို့ မရတော့ပါဘူး။ လွတ်လပ်တဲ့တရားရုံးဖြစ်တဲ့အတွက် ခုံရုံးဟာ ကုလသမဂ္ဂလက်အောက်ခံ မဟုတ်ပေမဲ့ ကုလသမဂ္ဂနဲ့ နီးနီးကပ်ကပ် ဆက်ဆံမှု ရှိပါတယ်။ ကုလအထွေထွေညီလာခံမှာ ဒီပင်လယ်ပြင်ခုံရုံးက လေ့လာသူအဆင့်အတန်းနဲ့ တက်ရောက်ခွင့်ရထားသလို ခုံရုံးဝန်ထမ်းတွေဟာလဲ ကုလသမဂ္ဂဝန်ထမ်းတွေလို လစာနဲ့ ခံစားခွင့်တွေ တန်းတူရကြပါတယ်။ ခုံရုံးတရားသူကြီး ၂၁ ဦးကို စာချုပ်ဝင်နိုင်ငံနဲ့အဖွဲ့တွေက ရွေးကောက်တင်မြှောက်ပါတယ်။ တရားသူကြီးတွေသက် တမ်း က ၉ နှစ်ဖြစ်ပြီး သုံးနှစ်တကြိမ် တရားသူကြီးသုံးပုံတပုံကို နယူးယောက်မြို့မှာ ရွေးကောက်ပါတယ်။ တရားသူကြီးအရွေး ခံရဖို့အတွက် အစည်းအဝေးတက်သူအားလုံးရဲ့ မဲသုံးပုံနှစ်ပုံရဖို့ လိုပါတယ်။ တရားသူကြီး ၂၁ ယောက် ထဲက ခုံရုံးဥက္ကဋ္ဌ နဲ့ ဒုဥက္ကဋ္ဌကို လျှို့ဝှက်မဲနဲ့ သုံးနှစ်သက်တမ်းအတွက် ရွေးကောက်ပါတယ်။
    အမှုတခု တင်လာရင်တော့ တရားပြိုင် နိုင်ငံ တွေဟာ တရားသူကြီး ၂၁ ယောက်ထဲ ကိုယ့်နိုင်ငံကမပါရင် ad hoc အရေးပေါ် ဆွဲခန့်တရားသူကြီးတယောက်စီ အဆိုပြုတင်သွင်းခွင့် ရှိပါတယ်။ ဒီတရားသူကြီးဟာ မူလတရားသူကြီး ၂၁ ယောက်နဲ့ တန်းတူ ဆောင်ရွက်ခွင့်ရှိပါတယ်။ ၁၉၉၆ ခုကနေ ကနေ့ထိ ပင်လယ်ပြင်ခုံရုံးဟာ အမှုပေါင်း ၁၉ မှုကို လက်ခံရရှိခဲ့၊ ၁၇ မှုကို စစ်ဆေးဆုံးဖြတ်ခဲ့ပြီး ဖြစ်ပါတယ်။ မြန်မာ-ဘင်္ဂလားဒေ့ရ်ှအမှုက အမှုအမှတ် ၁၆ ဖြစ်ပါတယ်။ ပင်လယ်ပြင်ဥပဒေ အငြင်းပွားမှုတွေကို ဒီပင်လယ်ပြင်ဥပဒေဆိုင်ရာ နိုင်ငံတကာခုံရုံးအပြင် အပြည်ပြည်ဆိုင်ရာတရားရုံး ICJ ကလဲ ကိုင်တွယ်ပါတယ်။ ဒါပေမဲ့ ပင်လယ်ပြင်ခုံရုံးက စီရင်ချက်ဟာ အပြီးအပြတ်ဖြစ်ပြီး မလိုက်နာမနေရ ဖြစ်ပါ တယ်။ အယူခံခွင့်မရှိပါ။
    လက်ရှိတရားသူကြီး ၂၁ ဦးကတော့ … အာရှတိုက်က ဂျပန်၊ အိန္ဒိယ၊ တရုတ်၊ တောင်ကိုးရီးယား၊ လက်ဘနွန်၊ အာဖရိကတိုက်က တောင်အာဖရိက၊ ဆီနီဂေါ၊ တန်ဇန်းနီးယား၊ ကိပ်ဗာ့ဒ်၊ အယ်လ်ဂျီးရီးယား၊ အနောက်ဥရောပနဲ့ မြောက်အမေရိကတိုက်က ဂျာမဏီ၊ ပြင်သစ်၊ သြစတြီးယား၊ မောလ်တာ အရှေ့ဥရောပက ပိုလန်၊ ရုရှား၊ ယူကရိန်း၊ တောင်နဲ့အလယ်အမေရိကတိုက်က ဘရာဇီး၊ ဂရီနေဒါ၊ ထရီနီးဒက်နှင့်တိုဘာဂို၊ အာဂျင်တီးနား တို့ဖြစ်ပြီး မြန်မာ-ဘင်္ဂလားဒေ့ရ်ှအမှုမှာ အရေးပေါ်ဆွဲခန့် တရားသူကြီးတွေအဖြစ် မြန်မာနိုင်ငံက အမေရိကန်တရားသူကြီး မစ္စတာ ဘားနာ့ဒ်အော့က်စ်မင်း၊ ဘင်္ဂလားဒေ့ရ်ှက ဂါနာတရားသူကြီး မစ္စတာသောမတ်စ်မင်ဆာကို တင်သွင်းခဲ့လို့ အားလုံးပေါင်း တရားသူကြီး ၂၃ ယောက်ဖြစ်သွားပါတယ်။ ဒီ ဆွဲခန့်တရားသူကြီးတွေကို တရားပြိုင်နိုင်ငံတွေက လစာပေးရသလား မပေးရလား မသိပါ။ ၂၀၁၂-၂၀၁၅ အတွက် ဂျပန်တရားသူကြီးက ခုံရုံးဥက္ကဋ္ဌဖြစ်ပြီး တောင်အာဖရိကတရားသူကြီးက ဒုဥက္ကဋ္ဌ ဖြစ်ပါတယ်။ ၂၀၀၈-၂၀၁၁ အတွက် ခုံရုံးဥက္ကဋ္ဌက ကိပ်ဗာ့ဒ်၊ ဒုဥက္ကဋ္ဌက သြစတြီးယားက ဖြစ်ပါတယ်။ တရားသူကြီးအားလုံးဟာ ဥပဒေဘွဲ့ ၂ ခု ၃ ခုရထားတဲ့ ထိပ်တန်းဥပဒေပညာရှင် professional တွေဖြစ်ကြပါတယ်။
    XXX ဒီနောက်မှာတော့ အားလုံးသိတဲ့အတိုင်း ၂၀၁၂ ခု မတ်လ ၁၄ ရက်မှာ စီရင်ချက် ချခဲ့ပါတော့တယ်။ ခုံရုံးဟာ အချက် ၆ ချက်ကို စီရင်ဆုံးဖြတ်ခဲ့ပါတယ်။ ပထမသုံးချက်က ခုံရုံးရဲ့စီရင်ပိုင်ခွင့်တွေကို ဆုံးဖြတ်တာဖြစ်ပါတယ်။ စတုတ္ထအချက်က စိန့်မာတင်ကျွန်း တဝိုက်ကရေပြင် နယ်နိမိတ်သတ်မှတ်ချက်ဖြစ်ပြီး ဘင်္ဂလားဒေ့ရ်ှဘက်က တရားသူ ကြီး ၂၁ ယောက်၊ မြန်မာဘက်က တရားသူကြီး ၁ ယောက် (ထရီနီးဒက်နှင့် တိုဘာဂိုနိုင်ငံ) မဲပေးပါတယ်။ စိန့်မာတင် ကျွန်းရေပြင်ကို တဝက်ခွဲယူဖို့ မြန်မာ့ကြိုးပမ်းချက် ပယ်ချခံရပါတယ်။ တရုတ်၊ ရုရှား၊ အိန္ဒိယ၊ ဂျပန်၊ တောင်အာဖရိက အပြင် မြန်မာကတင်ထားတဲ့ ဆွဲခန့် အမေရိကန်တရားသူကြီးကပါ ဘင်္ဂလားဒေ့ရ်ှဘက်က မဲပေးခဲ့ပါတယ်။ ပဉ္စမအချက်က စိန့်မာတင်ကျွန်းအလွန်ကနေ မိုင် ၂၀၀ အထိ သီးသန့်စီးပွားရေးဇုံ ပင်လယ်ပြင်ပိုင်နက်ကို ဆုံးဖြတ်တာဖြစ်ပြီး ဘင်္ဂလားဒေ့ရ်ှဘက်က ၂၁ မဲ၊ မြန်မာဘက်က ၁ မဲ (ထရီနီးဒက်နှင့်တိုဘာဂို) ရပါတယ်။ ဆဋ္ဌမအချက်ကတော့ သီးသန့်စီးပွားရေးဇုံ မိုင် ၂၀၀ အလွန်နယ်နိမိတ် သတ်မှတ်ရာမှာ ဘင်္ဂလားဒေ့ရ်ှဘက်က ၁၉ မဲ၊ မြန်မာဘက်က ၃ မဲ (ဆီနီဂဲလ်၊ ထရီနီးဒက်နှင့်တိုဘာဂို၊ တရုတ်) ရပါတယ်။     ဒါဟာ ပင်လယ်ပြင်ဥပဒေသမိုင်းမှာ ပထမ ဆုံးစီရင်ချက် ဖြစ်ပါတယ်။ ဘင်္ဂလားဒေ့ရှ် နိုင်ငံခြားရေးဝန်ကြီးဌာနအဆိုအရ သူတို့ဟာ ရေပိုင်နက် ၁၀၇,၀၀၀ စတုရန်းကီလိုမီတာ တောင်းတာကို ခုံရုံးက ၁၁၁,၀၀၀ စတုရန်းကီလိုမီတာ ပေးလိုက်တယ်လို့ ဆိုပါတယ်။ ဒါ့အပြင် သီးသန့်စီးပွားရေးဇုံ မိုင် ၁၃၀ အစား မိုင် ၂၀၀ အပြည့်ရသွားပါတယ်။ မိုင် ၂၀၀ အလွန် ကမ်းဦးရေတိမ်ပိုင်းကိုလည်း လုပ်စားခွင့်ရသွားပါတယ်။ စီရင်ချက် စတုတ္ထပိုဒ်ပါနေရာဟာ ၂၀၀၈ ခုနှစ်ကုန်ပိုင်းတုန်းက နှစ်ဖက်ရေတပ်တွေ အဓိကစားခွက်လု ရန်စောင်ခဲ့တဲ့နေရာ ဖြစ်ပါတယ်။ အခုစီရင်ချက် စတုတ္ထပိုဒ်အရ အဲဒီနှစ်နိုင်ငံ ရေပိုင်နက်ကိစ္စရန်ပွဲမှာ မြန်မာနိုင်ငံဟာ တရားခံအဖြစ် အပြစ်ပေးခံရတဲ့အဓိပ္ပာယ် ဖြစ်သွားပါတယ်။ နာဂစ်မုန်တိုင်းလို ဆိုးဝါးတဲ့ ဘင်္ဂလားပင်လယ်အော်က ထိုးနှက်ချက် ဖြစ်သွားပါတယ်။
    XXX ရခိုင်ပင်လယ်ပြင် သို့မဟုတ် ပြည်ထောင်စုမြန်မာနိုင်ငံတော်ရဲ့ အနောက်ဖက်ပင်လယ်ပြင်ကို အဲသလို အမဲဖျက်ခဲ့ကြပါတယ်။
 

By ဂါမဏိ
ရည်ညွှန်း http://www.itlos.org/index.php?id=2&L=0 

မူရင်းပို့စ်ကို ပြန်ရှာကြည့်တာ မတွေ့ရတောဘူး။ (မှတ်စု-ဗဟုသုတ)

    မြန်မာပြည်၏ အင်တာနက်လိုင်းအားလုံး၏ အဆုံးသတ်တွင် ဟံသာဝတီ Gateway တည်ရှိနေပါသည်။ ထို ဟံသာဝတီ Gateway သည် SEA-ME-WE3 အမည်ရှိသော Backbone ဖြင့် ချိတ်ဆတ်ထားသည်။ ထို့ပြင် ကုန်းတွင်းပိုင်း ချိတ်ဆတ်မှုအနေဖြင့် မဲခေါင်ဖိုက်ဘာဆက်ကြောင်းသို့ တရုတ်နှင့် ထိုင်းနိုင်ငံမှတစ်ဆင့် ချိတ်ဆတ်ထားသည်။
    ပုံ (၁) ကိုကြည့်ပါ။ ပုံ (၁) မြန်မာ့ဆက်သွယ်ရေးဌာန၏ နိုင်ငံတကာ Backbone ဆက်ကြောင်းပြပုံ ကုန်းတွင်းပိုင်း ချိတ်ဆက်မှုအနေဖြင့် မဲခေါင်ဆက်ကြောင်းသို့ ပုံ (၂)အတိုင်း ဆက်သွယ်ထားပါသည်။
    ပုံ (၂) မဲခေါင်ဆက်ကြောင်းပြ မြေပုံ မြန်မာပြည်တွင်းရှိ မြို့များအချင်းချင်းကိုလည်း ဖိုက်ဘာဆက်ကြောင်းများဖြင့် ဆက်သွယ်ထားရာ ဖိုက်ဘာဆက်ကြောင်း၏ အရှည်မှာ စုစုပေါင်း မိုင်အားဖြင့် မိုင်ရှစ်ထောင်ကျော် ရှည်လျားပါသည်။
    ပုံ (၃) တပ်ဆင်ပြီးသွားသော ဖိုက်ဘာဆက်ကြောင်းများ အင်တာနက်မြန်နှုန်း ပိုမိုမြင့်မားလာစေရန်အတွက် လက်ရှိ ရှိပြီးသား Main ISP များအပြင် မြစ်ကြီးနား၊ တောင်ကြီး၊ လားရှိုး၊ မုံရွာ၊ မကွေး၊ မြိတ် အစရှိသော မြို့များတွင် Sub-ISP များ ထားရှိပြီး ဆောင်ရွက်သွားရန် အစီအစဉ် ချမှတ်ထားပါသည်။
    ပုံ (၄) Sub ISP လျာထားဒေသကြီးများ မြန်မာနိုင်ငံတစ်နိုင်ငံလုံးအတွက် စုစုပေါင်း Bandwith ပမာဏသည် လက်ရှိအချိန်တွင် 3.145 Gbps ထိသာ ရရှိနေပါသည်။ ၂၀၁၀ခုနှစ် မတ်လအထိတွင် 1.285 Gbps ထိသာ ရှိခဲ့သည်။
    ပုံ(၅)ဟံသာဝတီ Gateway ၏ Bandwith ပမာဏ နောင်တွင် ဘင်္ဂလားဒေ့ရ်ှနိုင်ငံမှတစ်ဆင့် အာရှ-ဥရောပ ရေအောက်လိုင်းဖြစ်သည့် SEA-ME-WE-4 ဖိုက်ဘာဆက်ကြောင်းဖြင့် ချိတ်ဆက်သွားရန် အစီအစဉ်ရှိသည်ဟု သိရပါသည်။
    ISP စနစ်များ ၂၀၀၄ ခုနှစ်မှ ၂၀၁၀ခုနှစ် အောက်တိုဘာလအထိ မြန်မာနိုင်ငံတွင် ISP(Internet Service Provider) နှစ်ခုရှိခဲ့ပါသည်။ တစ်ခုမှာ မြန်မာ့ဆက်သွယ်ရေးဌာန ISP ဖြစ်သော Myanmar Teleport (MTP) နှင့် နောက်တစ်ခုမှာ ရတနာပုံ ISP (YTP) တို့ ဖြစ်ပါသည်။ ယခင်ကရှိခဲ့သော Bagan Cyber Tech ပိုင် ISP ကို Myanmar Teleport က လက်လွှဲယူခဲ့သည်။
    ပုံ (၆) မြန်မာပြည် ISP များ၏ ကွန်ယက်ဖွဲ့စည်းပုံ (၂၀၀၄ ခုနှစ်မှ ၂၀၁၀ခုနှစ် အောက်တိုဘာလအထိ) အထက်ပါ ချိတ်ဆက်မှုအရ ပြည်သူပြည်သားများသည် အစိုးရပိုင်းနှင့် စစ်ဘက်ဆိုင်ရာများနှင့်အတူ ခွဲဝေသုံးစွဲရသောကြောင့် Internet အမြန်နှုန်း နှေးကွေးခဲ့ရပါသည်။ ISP စနစ်သစ် ISP ချိတ်ဆက်မှုအသစ်တွင် အဓိက ISP နှစ်ခု ခွဲထုတ်ထားပါသည်။ MOD ISP နှင့် MPT ISP တို့ဖြစ်သည်။
    ပုံ (၇) ကိုကြည့်ပါ။ ပံ (၇) မြန်မာပြည် ISP များ၏ ကွန်ယက်ဖွဲ့စည်းပုံ (လက်ရှိ) စစ်ဘက်ဆိုင်ရာသုံးစွဲမှုများသည် ပြည်သူပြည်သားများနှင့် ရောထွေးမှုမရှိတော့ဘဲ MOD ISP မှ ဖြတ်သန်းသွားပါသည်။ MPT ISP လက်အောက်တွင် Sub ISP အဖြစ် Yatanarpon Teleport ISP နှင့် Naypyitaw ISP တို့ကို ထားရှိထားပါသည်။ နေပြည်တော် ISP ကိုမူ အစိုးရသုံးအဖြစ် သတ်မှတ်ထားပြီး ပြည်သူပြည်သားများ သုံးစွဲမှုအားလုံးသည် ရတနာပုံ ISP မှတစ်ဆင့် ဖြတ်သန်းသွားမည် ဖြစ်ပါသည်။
    စနစ်သစ်အရ စစ်ဘက်ဆိုင်ရာသုံးစွဲမှုများနှင့် ပြည်သူပြည်သားများ သုံးစွဲမှုများ ရောထွေးမှု မရှိတော့သောကြောင့် Gateway နှင့် ISP များတွင် ၀န်ပိမှုလျော့ကျသွားမည် ဖြစ်ပြီး Sub ISP မှ Main ISP, Main ISP မှ Gateway သို့ ဖြတ်သန်းသောကြောင့် Bandwith ပိုမိုရရှိလာမည်ဖြစ်ပြီး အင်တာနက်အမြန်နှုန်း မြင့်တက်လာမည်ဖြစ်ပါသည်။ သို့သော် မြန်မာပြည်သူပြည်သားများအတွက် ယခင်ထက်ပိုမိုများလာသော ISP များကို အဆင့်ဆင့် ဖြတ်သန်းသွားရမည်ဖြစ်သည်။
    ပုံ (၈) မြန်မာပြည် ISP များသို့ အဆင့်ဆင့်ဖြတ်သန်းသွားပုံ (လက်ရှိ) ၂၀၁၀ခုနှစ် အောက်တိုဘာလမှ စတင်သုံးစွဲခဲ့သည့် စနစ်သစ်သည် စစ်ဖက်၊ အရပ်ဖက်နှင့် အစိုးရ၀န်ထမ်း ဟူ၍ အုပ်စုသုံးစု ခွဲခြားလိုက်ခြင်း ဖြစ်သည်။ တစ်တိုင်းပြည်လုံးရှိ ပြည်သူများသည် ရတနာပုံ ISP ကိုသာ အားထားသုံးစွဲရမည်ဖြစ်သောကြောင့် ရတနာပုံ ISP သည် စစ်ဘက်နှင့် အစိုးရ၀န်ထမ်းသုံး ISP များထက် များစွာ ၀န်ပိသွားမည်ဖြစ်ပါသည်။ အကယ်၍ မြန်မာနိုင်ငံအတွက် လောလောဆယ် ရရှိထားသော 3.145 Gbps ကို ISP သုံးခုက ညီတူညီမျှ ခွဲဝေသုံးစွဲရသည်ဆိုပါက ISP တစ်ခုချင်းစီအတွက် ပျှမ်းမျှရရှိမည့် Bandwidth မှာ 1.048 Gbps သာ ရရှိမည်ဖြစ်သည်။ နိဂုံး စစ်တမ်းကောက်ယူမှုများအရ မြန်မာပြည်သည် လူတစ်ထောင်လျှင် တစ်ဦးနှုန်း အင်တာနက်သုံးစွဲသည်ဟု ဆိုထားပါသည်။ ထို့ကြောင့် လူဦးရေသန်းခြောက်ဆယ်ဆိုပါက အင်တာနက်သုံးစွဲသူဦးရေ ခြောက်သောင်းခန့်ရှိမည်ဟု အကြမ်းဖြင်းအားဖြင့် ယူဆနိုင်ပါသည်။ လက်တွေ့တွင် ထိုပမာဏထက် မြောက်မြားစွာ ပိုနိုင်ပါသည်။ အိမ်နီးချင်း ထိုင်းနိုင်ငံတွင် အင်တာနက်သုံးစွဲသူဦးရေ ၁၈.၃ သန်းကျော်ရှိနေပြီး ထိုသုံးစွဲမှုပမာဏအတွက် 104.28 Gbps ရှိသော Bandwidth သုံးစွဲနေပြီ ဖြစ်ပါသည်။
    တစ်နည်းအားဖြင့် တစ်ဦးချင်းစီလျှင် 6.07 Mbps နှုန်းထားဖြင့် သုံးစွဲနေပြီ ဖြစ်ပါသည်။ မြန်မာပြည်သူတစ်ယောက်အတွက်မူ မိမိ ISP ၏ Bandwidth မှာ 1.048 Gbps သာရှိသောကြောင့် သုံးစွဲသူဦးရေ ၆၀၀၀၀ ကျော်ဖြင့် တွက်ပါက လူအားလုံး တစ်ပြိုင်နက်တည်း အသုံးပြုလျှင် တစ်ဦးလျှင် ရရှိမည့် Bandwidth မှာ 0.017 Mbps သာ ရရှိနေပါသည်။ ထို့ကြောင့် မြန်မာပြည်၏ အင်တာနက်အမြန်နှုန်း မြင့်မားစေရန်တွက် တစ်ခုတည်းသော ဖြေရှင်းနည်းမှာ နိုင်ငံ၏ Bandwidth ကို ချဲ့ရုံမှတစ်ပါး အခြားမရှိပါကြောင်း အကြံပြုရေးသားလိုက်ပါသည်။

http://www.myanmaritmen.org/articles/internet/myanmar-internet-network-map.html